शुक्लाफाँटामा ‘ग्रीन एण्ड क्लीन’ अभियान सुरु

कञ्चनपुर । शुक्लाफाँटा नगरपालिकालाई स्वच्छ, सुन्दर, हराभरा तथा वातावरणमैत्री नगरका रूपमा विकास गर्ने उद्देश्यले शुक्लाफाँटा उद्योग वाणिज्य सङ्घले ‘ग्रीन एण्ड क्लीन शुक्लाफाँटा’ अभियान सुरु गरेको छ । अभियानअन्तर्गत वातावरण संरक्षण, सरसफाइ प्रवद्र्धन तथा प्लास्टिकजन्य फोहर न्यूनीकरणका लागि सचेतनामूलक कार्यक्रमसँगै बृहत् सरसफाइ अभियान सञ्चालन गरिएको हो ।

नगरप्रमुख रणबहादुर महराले एक समारोहबिच अभियानको उद्घाटन गर्दै उद्योग वाणिज्य सङ्घको पहलमा नगरपालिकाको पूर्ण ऐक्यबद्धता रहेको बताए । उनले स्वच्छ र वातावरणमैत्री नगर निर्माणका लागि स्थानीय सरकार आवश्यक सहकार्य गर्न प्रतिबद्ध रहेको उल्लेख गरे ।