महान खेलाडी पेलेले जितेका पदक लिलामीमा

लन्डन । पेलेले सन् १९५८ मा जितेको विश्वकपको विजयी पदक यसै महिना इंग्ल्यान्डमा ६ लाख ७० हजार डलरमा लिलामी हुने अपेक्षा गरिएको छ । ब्राजिलले यो विश्वकप जित्दा महान् खेलाडी पेले टिनएजर थिए ।

पेलेको यो पदक खेलकुद स्मृति विशेषज्ञ बीयूडीडीएसद्वारा बिक्रीमा राखिएका ४ सय ५० वटा विश्वकप सम्बन्धित वस्तुको सूचीको अग्रभागको रूपमा रहेको छ । यी सबै बिक्रीबाट कुल २ करोड पाउन्ड आम्दानी गर्ने अनुमान गरिएको छ ।