साढे ४३ करोड वक्यौता असुली, विदेशमै लुक्ने त्रिविका ४०० प्राध्यापकबाट १३ करोड असुल

काठमाडौँ । सरकारले आफ्नो सय दिने कार्यकालको उपलब्धि सार्वजनिक गर्दै औद्योगिक क्षेत्रभित्र लामो समयदेखि उठ्न बाँकी वक्यौता असुली अभियान सुरु गरेको जनाएको छ। सरकारका प्रवक्ता एवं शिक्षा तथा खेलकुदमन्त्री सस्मित पोखरेलले शनिबार सय दिनको उपलब्धि सार्वजनिक गर्दै हालसम्म ४३ करोड ४८ लाख २१ हजार १३१ रुपैयाँ असुली भइसकेको जानकारी दिए।

औद्योगिक क्षेत्रमा वित्तीय अनुशासन कायम गर्न यो अभियान तीव्र पारिएको उनले बताए। साथै, एकीकृत व्यावसायिक पुनरुत्थान योजना कार्यान्वयन गर्दै जेन–जी आन्दोलनबाट प्रभावित उद्योग, व्यापारिक प्रतिष्ठान र आर्थिक गतिविधिलाई कर छुटलगायतका राहत र सहुलियत प्रदान गरिएको उनले जानकारी दिए।