भोजपुर पूर्णखोप सुनिश्चित जिल्ला घोषणा

भोजपुर । भोजपुरलाई पूर्णखोप सुनिश्चितता तथा दिगोपना जिल्ला घोषणा गरिएको छ । जिल्लाका दुई नगरपालिका र सात वटै स्थानीय तह पूर्णखोप सुनिश्चितता तथा दिगोपना पालिका घोषणा भएपछि जिल्लालाई औपचारिक रूपमा पूर्णखोप सुनिश्चितता तथा दिगोपना जिल्ला घोषणा गरिएको हो ।

जिल्ला समन्वय समिति भोजपुरका कार्यवाहक प्रमुख तथा जिल्ला खोप समन्वय समितिका अध्यक्ष अनिशा खड्काले जिल्लालाई आज पूर्णखोप सुनिश्चितता तथा दिगोपना घोषणा गरे । भोजपुरका प्रमुख जिल्ला अधिकारी राजन पौडेल, नौवटै स्थानीय तहका स्वास्थ्य शाखा प्रमुख, स्वास्थ्यकर्मी, महिला स्वास्थ्य स्वयंसेविका तथा विभिन्न सरोकारवालाहरूका सहभागितामा भोजपुर पूर्णखोप सुनिश्चित जिल्ला घोषणा भएको छ ।