कर्णाली नदीमा बेपत्ता गाडी र यात्रुको खोजी गर्न सोनार क्यामेरा र म्याग्नेटसहितको टोली परिचालन

दैलेखको चामुण्डाबिन्द्रासैनी नगरपालिका–७ साङ्गेताडास्थित कर्णाली नदीमा बेपत्ता भएको गाडी र यात्रुको खोजीका लागि सशस्त्र प्रहरी बल नेपालले सोनार क्यामेरा र म्याग्नेटसहितको गोताखोर टोली परिचालन गरेको छ ।

सशस्त्र प्रहरी बलका अनुसार विपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक प्रेमबहादुर तामाङको नेतृत्वमा चार जना गोताखोरसहितको टोली घटनास्थल खटाइएको हो । टोलीले शनिबार घटनास्थल पुगेर सोनार क्यामेरा, म्याग्नेटलगायतका विशेष उपकरण प्रयोग गरी खोजीकार्य थालेको छ ।