मधेस प्रदेशको ४९ अर्बको लेखापरीक्षण सम्पन्न, प्रतिवेदन प्रदेश प्रमुखलाई बुझाइयो

काठमाडौँ । महालेखा परीक्षकको कार्यालयले मधेस प्रदेश सरकारको कुल ४९ अर्ब ६९ करोड ३९ लाख रुपैयाँ बराबरको आर्थिक वर्षको लेखापरीक्षण सम्पन्न गरेको छ। महालेखाको प्रतिवेदनअनुसार यस वर्ष मधेस प्रदेशका मन्त्रालय तथा मातहतका १३४ सरकारी निकायको ४५ अर्ब ७० करोड ७४ लाख रुपैयाँ र १६ वटा समिति तथा अन्य संस्थाहरूको ३ अर्ब ९८ करोड ६४ लाख रुपैयाँ गरी सो रकम बराबरको लेखापरीक्षण सम्पन्न भएको हो।

यद्यपि केही समयअघि भएको जेनजी आन्दोलनका क्रममा सरकारी कार्यालयहरूमा पुगेको क्षति र अवरोधका कारण ३ वटा मन्त्रालय, २ वटा निकाय र ४ वटा कार्यालयको कुल २ अर्ब ९१ करोड ४२ लाख रुपैयाँ बराबरको लेखापरीक्षण भने हुन नसकेको कार्यालयले जनाएको छ।