हेटौँडा कपडा उद्योग पुनः सञ्चालनका निम्ति सेनाले गर्दै छ परीक्षण उत्पादनको काम

काठमाडौं । उद्योग, वाणिज्य तथा आपूर्ति मन्त्रालयका सचिव कृष्णबहादुर राउतले हेटौँडा कपडा उद्योग पुनः सञ्चालनका निम्ति नेपाली सेनाबाट परीक्षण उत्पादनको कार्य अघि बढाइएको बताएका छन् । वर्तमान सरकारका १०० दिन पुगेको अवसरमा शनिबार (असार २०) सिंहदरबारमा आयोजित पत्रकार सम्मेलनका क्रममा उनले यस्तो बताएका हुन् ।

सरकारले हेटौँडा कपडा उद्योग पुनः सञ्चालन गर्ने निर्णय गरिसकेको छ । सरकारको यो निर्णयसँगै अर्थ मन्त्रालयबाट बजेट निकासा भइसकेको पनि सचिव राउतले जानकारी दिए ।