प्रधानमन्त्री देउवाको आग्रह – चुनाव प्रचार अभियानमा गठबन्धनलाई असर पर्ने गतिविधि नगर्नु

काठमाडौं – प्रधानमन्त्री तथा नेपाली कांग्रेसका सभापति शेरबहादुर देउवाले पार्टीले सञ्चालन गर्ने चुनाव प्रचार अभियानमा सत्तारुढ गठबन्धनको विरोध नगर्न आग्रह गरेका छन् ।

आज मंगलबार पार्टी कार्यालयमा बसेको पार्टीका शीर्ष नेता र केन्द्रीय सदस्यको बैठकमा उनले गठबन्धनलाई असर पर्ने गरी गतिविधि नगर्न सो आग्रह गरेका हुन् ।

चुनावी प्रचारमा गठबन्धन विरोध कार्य नगर्न र कांग्रेसको पक्षमा माहोल बनाउन सभापति देउवाले बैठकमा आह्वान गरेका छन् ।

कांग्रेसले २९ फागुनदेखि एक महिनासम्म देशभर चुनाव प्रचार अभियान सञ्चालन गर्ने निर्णय गरिसकेको छ ।