१० वर्षमा २२० केभी प्रसारण लाइन निर्माण आयोजना र स्थानीयबीच १२ बुँदे सहमति

लमजुङ । १० वर्षदेखि आन्दोलनरत स्थानीय र नेपाल विद्युत् प्राधिकरण, मस्र्याङ्दी कोरिडोर २२० केभी प्रसारण लाइन आयोजनाबीच १२ बुँदे सहमति भई निर्माण कार्य सुचारु गर्ने सहमति भएको छ । प्रमुख जिल्ला अधिकारी कृष्णप्रसाद खनालको पहलमा उनकै कार्यकक्षमा शुक्रबार सो सहमति भएको हो ।

सो आन्दोलनको अधिकार मञ्च लमजुङले नेतृत्व गरेको थियो । सो संस्थाका पदाधिकारी तथा प्रसारण लाइनका पीडितहरूले २०७२ सालदेखि सुरु गरेको आन्दोलन शुक्रबार सहमतिमा टुंगिएको हो । अधिकारकर्मीहरूले सो मुद्दालाई अन्तर्राष्ट्रियकरणसमेत गरेका थिए ।