काठमाडौँ उपत्यकामा थपिए ९९९ जना कोरोना संक्रमित

काठमाडौँ– पछिल्लो २४ घण्टामा काठमाडौँ उपत्यकामा थप ९९९ जना कोरोना संक्रमित थपिएका छन्।

स्वास्थ्य मन्त्रालयका अनुसार काठमाडौँमा ६७७, भक्तपुरमा १२५ र ललितपुरमा १९७ जनामा संक्रमण पुष्टि भएको हो।

यस्तै पछिल्लो २४ घण्टामा देशभर ३ हजार ४२१ जनामा कोरोना भाइरसको  संक्रमण पुष्टि भएको छ भने २५ जनाको मृत्यु भएको छ।

गत २४ घण्टामा १ हजार ६८६ जना कोरोना संक्रमणमुक्त भएका छन्। हाल देशभर २७ हजार ९०८  जना सक्रिय संक्रमित रहेको स्वास्थ्य मन्त्रालयले जनाएको छ।