दुर्गन्धमुक्त हुँदै बाम्का बजार

बाजुराको बुढीगङ्गा नगरपालिका–६ मा रहेको बाम्का बजार लामो समयपछि दुर्गन्धमुक्त भएको छ ।

जथाभाबी दिसापिसाब र फोहोरमैलाले यो बजार लामो समयदेखि दुर्गन्धित बन्दै गएको थियो । अहिले भने बाम्का बजार व्यवस्थापन समितिले बजारको फोहोर व्यवस्थापन गर्न थालेसँगै बजार दुर्गन्धमुक्त बन्दै गएको हो । बजार व्यवस्थापन समितिका अध्यक्ष रामचन्द्र गिरीले भन्नुभयो, “अहिले बजारको फोहोर व्यवस्थापनमा सुधार भएको छ । बजारका ठाउँ ठाउँमा डस्टबिन राखिएका छन् । नगरपालिकाको आर्थिक सहयोगमा राम्रो शौचालय निर्माण भएपछि पहिले जस्तो दुर्गन्ध छैन ।”