ग्रेटा थनबर्गको जोडदार अपिल– नेपालले पाउनुपर्ने सहायता होइन जलवायु क्षतिपूर्ति हो

काठमाडौँ । नेपालमा पछिल्लो समय भएको विनाशकारी हिमपहिरोले निम्त्याएको बाढी तथा मानवीय संकटलाई जलवायु परिवर्तनसँग जोड्दै स्विडिस जलवायु अभियन्ता ग्रेटा थनबर्गले विकसित देशहरूले नेपाललाई दिने आर्थिक सहयोगलाई ‘सहायता’ नभई ‘जलवायु क्षतिपूर्ति’का रूपमा बुझ्नुपर्ने बताएकी छन् ।

सेप्टेम्बर ४ सम्म नेपालमा १ हजार २८७ जनाको मृत्यु भएको, करिब ५ हजार ८३ जना सम्पर्कविहीन वा बेपत्ता रहेको तथा हजारौँ मानिस घाइते भएको दाबी गर्दै थनबर्गले विपत्तिको स्तर ‘कल्पनाभन्दा बाहिरको’ भएको उल्लेख गरेकी छन् । उनका अनुसार यति ठूलो क्षतिको घटनालाई केवल प्राकृतिक विपत्तिका रूपमा व्याख्या गरेर अन्तर्राष्ट्रिय समुदाय आफ्नो जिम्मेवारीबाट पन्छिन मिल्दैन ।