सातै प्रदेशमा ‘ब्लु बस’ : ‘द्रुत बस’को नियति दोहोरिएला कि होला सुधार ?

काठमाडौँ । नेपालको सार्वजनिक यातायात प्रणालीलाई सुरक्षित र लैंगिकमैत्री बनाउने उद्देश्यका साथ सरकारले सातै प्रदेशमा ‘ब्लु बस’ सञ्चालन गर्ने महत्त्वाकांक्षी योजना अघि सारेको छ ।

शुक्रबार बसेको मन्त्रिपरिषद् बैठकले स्वीकृत गरेको ‘शासकीय सुधारका लागि एक सय कार्यसूची’ को ९७ नम्बर बुँदामा महिलाहरूको सुरक्षित आवागमन सुनिश्चित गर्न सातै प्रदेशमा ब्लु बस सञ्चालन गर्ने उल्लेख छ ।