‘नेपाललाई धनी देशको दया होइन, न्याय र क्षतिपूर्ति चाहिन्छ’:जलवायु अभियन्ताग्रेटा थनबर्ग

धनी र औद्योगिक राष्ट्रहरूले गरेको प्रदूषणको भारी बोकेर विनाकारण विनाशको चपेटामा परेको नेपालको पक्षमा विश्वचर्चित जलवायु अभियन्ता ग्रेटा थनबर्गले कडा र मार्मिक आवाज उठाएकी छन्। उनले स्पष्ट शब्दमा भनेके छन्- अब नेपाललाई ‘सहयोग’ वा ‘राहत’को नाममा दिइने भिक्षा होइन, अधिकारसहितको न्यायपूर्ण ‘क्षतिपूर्ति’ चाहिन्छ।

एक भिडियो सन्देश जारी गर्दै थनबर्गले विकसित देशहरूको ऐतिहासिक अन्यायप्रति कडा आक्रोश पोखेकी छन्। कार्बन उत्सर्जन र जलवायु संकट सिर्जना गर्न नेपालको भूमिका शून्यप्रायः छ, तर यहाँका निर्दोष नागरिकले बर्सेनि बाढी, पहिरो र खडेरीको रूपमा मृत्यु, आँसु र विनाशको कहालीलाग्दो मूल्य चुकाइरहेका छन्। यस्तो क्रुर अवस्थामा पनि धनी देशहरूले आफ्नो ऐतिहासिक अपराध र जिम्मेवारी स्वीकार गर्नुको साटो नेपालजस्ता देशलाई 'दया' गरेझैँ सहयोगको झटारो हान्ने प्रवृत्तिप्रति उनले गम्भीर प्रहार गरेकी छन्।