भोटेकोशी बाढीमा बेपत्ता धेरैको शव कहिल्यै नभेटिन सक्ने फरेन्सिक विज्ञकाे चेतावनी

काठमाडौं । नेपाल–तिब्बत क्षेत्रमा गत साता आएको विनाशकारी बाढीमा ज्यान गुमाएकामध्ये धेरैको शव कहिल्यै फेला नपर्न सक्ने र फेला परेका सबै शवको पहिचान गर्न पनि कठिन हुन सक्ने फरेन्सिक विज्ञहरूले बताएका छन् ।

मेलबर्नस्थित मोनास विश्वविद्यालयका फरेन्सिक मेडिसिन प्रमुख प्राध्यापक रिचर्ड ब्यास्डका अनुसार बाढी प्रभावित क्षेत्रको कठिन भूगोल, पहिरोको जोखिम, कमजोर सञ्चार व्यवस्था तथा सीमित स्रोतसाधनले शव खोजी र पहिचान कार्यलाई अत्यन्त चुनौतीपूर्ण बनाएको छ ।