२ करोड ५८ लाख बिगो तोकिएका फरार प्रतिवादी पक्राउ

काठमाडौँ । काठमाडौँ प्रहरीले बैंकिङ कसुरका एक फरार प्रतिवादीलाई पक्राउ गरेको छ । काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले रुकुम पूर्व पुथा उत्तरगंगा गाउँपालिका– ४ घर भई ललितपुर बस्ने ४६ वर्षीय हर्कबहादुर बुढालाई बुधबार कलङ्कीबाट पक्राउ गरेको हो ।

बुढालाई जिल्ला अदालत काठमाडौँले २०८२ पुस १ गते बैंकिङ कसुर मुद्दामा पक्राउ अनुमति दिएको थियो । अदालतको अनुमति लगत्तै फरार रहेका बुढामाथि २ करोड ५८ लाख रुपैयाँ बिगो तोकिएको छ ।