बाढीले पुरिएको घरबाट ११ दिनपछि महिलाको जीवितै उद्धार

नुवाकोटको बेत्रावतीमा त्रिशूली नदीमा आएको विनाशकारी बाढीले घर पुरिएको ११ औँ दिनमा एक महिलाको सकुशल उद्धार गरिएको छ।

बिदुर नगरपालिका १० की अन्दाजी ५५ वर्षीया चन्द्रिका श्रेष्ठलाई शनिबार बेत्रावतीस्थित आनन्द श्रेष्ठको घरबाट उद्धार गरिएको हो। बाढी र पहिरोका कारण पुरिएको उक्त घरभित्रबाट मानिसको आवाज सुनिएपछि उद्धार टोलीले उत्खनन गरी श्रेष्ठलाई जीवितै फेला पारेको हो।