कपिलवस्तु अस्पतालमा हेमोडायलाइसिस सेवा सुरु

कपिलवस्तुको तौलिहवास्थित कपिलवस्तु अस्पतालमा बुधबारदेखि हेमोडायलाइसिस सेवा सुरु भएको छ। विगत लामो समयदेखि सेवा शुभारम्भका लागि पहल गरिएकोमा बुधबारदेखि भने विधिवत रूपमा अस्पतालमा सेवा सुरु गरिएको हो। लुम्बिनी प्रदेशका स्वास्थ्य मन्त्री खेमबहादुर सारुले रिबन काटेर सेवाको शुभारम्भ गरेका हुन्।

सो अवसरमा मन्त्री सारुले अस्पतालमा यो सेवा सुरु भएपछि डायलाइसिस सेवा लिनुपर्ने बिरामी लाभान्वित हुने बताए। उनले सरकारी अस्पतालको सेवालाई गुणस्तरीय बनाई आम नागरिकको विश्वास जित्नुपर्ने बताए। उनले लुम्बिनी प्रदेशअन्तर्गतका सरकारी अस्पतालहरूमा नवीनतम सेवाहरू धमाधम सुरु भइरहेको बताए।