हलेसी मन्दिर गुफामा खसेको रुख निकालियो

खोटाङको प्रसिद्ध त्रिधार्मिकस्थल हलेसी मन्दिरको गुफामा हावाले ढालेर खसेको रुख सावधानीपूर्वक निकालिएको छ। शुक्रबार रातिको हावाहुरीले ढालेर मन्दिर गुफाभित्र खसेको रुखका हाँगा केही घण्टा लगाएर साँझसम्ममा निकालिएको हो।

हलेसी तुवाचुङ नगपालिकाका प्रवक्ता तथा वडाध्यक्ष कमल गिरीका अनुसार गुफाबाहिरको रुख हावाले हल्लाएर ढल्दा गुफाभित्र खसेको थियो। शुक्रबार बिहान पुजारीहरू मन्दिरमा पस्ने क्रममा गुफाभित्र रुखका हाँगा पसेको अवस्थामा फेला पारेका थिए। हावाले ढालेको रुखको मुल र हाँगाले गुफा प्रवेश गर्ने रेलिङमा सामान्य क्षतिसमेत पुगेको गिरीले बताए।