१० दिनसम्म बाँचिरहेको त्यो आशा, कुशको खरानी बनेर उड्यो !

‘कतैबाट सकुशल फर्किएलान् कि !’ भन्ने झिनो आशा र छटपटीबीच बितेको १० दिनको सकसपूर्ण पर्खाइ अन्ततः शुक्रबार लक्ष्मीमार्गस्थित स्थानीय घाटमा पुगेर टुङ्गिएको छ।

रसुवाको भोटेकोशी बाढीमा परेर भौतिक शरीरसमेत फेला नपरेपछि मोरङ बेलबारीका २३ वर्षीय अनोज धमलाको परिवारले हिन्दू परम्पराअनुसार कुशको शव बनाएर अन्तिम संस्कार गरेको छ।