भोटेकोशीमा अझै उच्च जोखिम : नदी थुनिएर बनेको ताल बढ्दै, उच्च सतर्कता अपनाउन महाशाखाको आग्रह

बुधबार बिहान बाढी आएको स्थानमा नदी थुनिएर बनेको तालको पानीको सतह बढिरहेको र ताल फुट्ने जोखिमसमेत देखिएको भन्दै भोटेकोशी नदीको तल्लो तटीय क्षेत्रमा उच्च सतर्कता अपनाउन आग्रह गरिएको छ।

बाढी पूर्वानुमान महाशाखाले शुक्रबार बिहान सूचना जारी गर्दै चीन सरकारबाट प्राप्त जानकारी, भू-उपग्रह तस्बिर तथा प्रारम्भिक विश्लेषणबाट बाढी आएको स्थानमा नदी थुनिएर ताल बनेको पाइएको छ। उक्त ताल बढ्ने क्रममा रहेकाले फुट्ने जोखिमसमेत देखिएको महाशाखाले जनाएको छ।