पशुपतिमा आध्यात्मिक शब्दार्चना

काठमाडौँ- पशुपतिको शङ्कराचार्य मठ। बाहिर श्रीकृष्णाष्टमीको धार्मिक उल्लास। मन्दिरमा पूजा, आराधना र भक्तिको वातावरण। त्यही परिवेशभित्र शुक्रबारको एउटा जमघटले कृष्णलाई परम्परागत पूजापाठको घेराभन्दा केही पर खोज्यो- शब्दमा, कवितामा, दर्शनमा र आफ्नै अन्तर्मनमा।

कविहरूले कविता सुनाए, अध्यात्म चिन्तकहरूले कृष्णतत्त्वको व्याख्या गरे र दार्शनिकहरूले आत्मा, ईश्वर, प्रेम, भक्ति तथा जीवनको अर्थबारे विमर्श गरे। कार्यक्रमको नाम थियो- ‘श्रीकृष्णाष्टमी र आध्यात्मिक शब्दार्चना’।