कर्णालीका मुख्यमन्त्री भन्छन्—विगतजस्तै बालेन सरकारले पनि बजेटमा कर्णालीलाई उपेक्षा गर्‍यो

सुर्खेत । कर्णालीका मुख्यमन्त्री यामलाल कँडेलले केन्द्र सरकारबाट सधैँ कर्णाली उपेक्षामा परेको बताए । अहिले बालेन साह नेतृत्वको सरकारले पनि कर्णालीलाई बजेटमा उपेक्षा गरेको उनको भनाइ छ ।

‘केन्द्र सरकारले कर्णालीलाई बजेटमा जहिल्यै उपेक्षा गर्दै आएको छ,’ शुक्रबार वीरेन्द्रनगरमा आयोजित अन्डर–१९ राष्ट्रिय महिला क्रिकेट प्रतियोगिता उद्घाटन कार्यक्रममा बोल्दै उनले भने, ‘अहिले पनि त्यस्तै गरियो । अक्षरमा कर्णाली प्रदेश भनेर धेरै आउँछ, अंक आइपुग्दा टिठ लाग्दो हुन्छ ।’