नुवाकोटका राहत शिविरमा सुविसुको निःशुल्क Wi-Fi सेवा

बाढी प्रभावित परिवारलाई सञ्चारमा सहजता पुर्‍याउन सुविसुले नुवाकोटका विभिन्न राहत शिविर तथा प्रभावित समुदायमा निःशुल्क Wi-Fi इन्टरनेट सेवा उपलब्ध गराएको छ।

विदुर–८, हात्तीगौडास्थित भैरुम माध्यमिक विद्यालयको राहत शिविरमा आश्रय लिइरहेका २०० भन्दा बढी प्रभावितका लागि परिवार तथा आफन्तसँग सम्पर्क गर्न र सूचना आदानप्रदान गर्न सेवा उपलब्ध गराइएको हो। सेवा विद्यालय र स्थानीय समाजसेवीसँगको समन्वयमा सञ्चालन गरिएको छ।