विश्वकप कथाः स्कटल्याण्ड २८ वर्षपछि र हैटी ५२ वर्षपछि मैदानमा उत्रदै  

काठमाडौँ । फिफा विश्वकप २०२६ अन्तर्गत समूह चरणको पहिलो भिडन्तमा स्कटल्यान्ड र हैटी भिड्दैछन् । उत्तर अमेरिकी राष्ट्र हैटी ५२ वर्षपछि विश्वकपमा फर्किएको छ । यसपालि आफ्नै महादेशमा भइरहेको विश्वकपमा हैटीको एउटै लक्ष्य हुनेछ, त्यो हो पहिलो अनुभवलाई सुधार्ने । जर्मनी १९७४ मा हैटीले तीन वटै खेलमा हार बेहोर्दा कूल १४ गोल खाएको थियो ।

कोनकाकाफ छनोटको १० मध्ये ६ खेलमा हैटीले विजयी हासिल गरेको थियो । नोभेम्बरमा कोस्टा रिकालाई १–० र निकारागुवालाई २–० ले हराउँदै हैटी विश्वकपमा फर्किएको हो ।