विराटनगरको रथयात्रामा हजारौं भक्तजन सहभागी

विराटनगरमा राधाकृष्ण रथयात्रा भव्य रुपमा सम्पन्न भएको छ । प्रत्येक वर्ष श्रीकृष्ण जन्माष्टमीको भोलिपल्ट निकाल्ने ऐतिहासिक राधाकृष्ण रथयात्रा निकाल्ने गरिएको हो ।

विराटनगर–१ स्थित राधाकृष्ण मन्दिरबाट निस्किएको राधाकृष्णको युगल जोडीको रथयात्रा विराटनगर नगर परिक्रममा गरी सम्पन्न भएको छ । रथले विराटनगरको तीनपैनी, मेनरोड, ट्राफिक चोक, रोडशेष चोक, महेन्द्र चोक, बरगाछी चोक हुँदै पुनः मन्दिरमा आएर सम्पन्न भयो । रथले नगरको ९ किलोमिटर यात्रा तय गरेको बताइएको छ ।