तिङ्करको १ नम्बर सीमा स्तम्भमै अभिनेता खड्काको पुस्तक विमोचन

काठमाडौँ । चलचित्रकर्मी तथा लेखक नबल खड्काको नयाँ पुस्तक ‘नबल खड्का’ नेपालको उत्तर–पश्चिमी सीमास्थित दार्चुलाको तिङ्कर भञ्ज्याङमा विमोचन गरिएको छ। समुन्द्र सतहदेखि ५,२५८ मिटरको उचाइमा रहेको ऐतिहासिक १ नम्बर जङ्गे सीमा स्तम्भमै पुगेर सो पुस्तकको विमोचन गरिएको हो।

राष्ट्रिय जेन्जी नागरिक अभियानद्वारा आयोजित कार्यक्रममा अभियानका संयोजक सुनिल सिंहले पुस्तक विमोचन गरे । कार्यक्रमका अध्यक्ष सिंहले अभिनेता खड्कालाई देशप्रेमको सशक्त आवाजको संज्ञा दिँदै राज्यले समयमै यस्ता देशभक्तको कदर गर्नुपर्नेमा जोड दिए।