एक हातले ह्यान्डल, अर्को हातले भिडिओ: हर्क साम्पाङको बाइक दुर्घटना, सुरुवाल उध्रियो तर जोश उध्रेन!

काठमाडौँ- सामाजिक सञ्जालमा भिडिओ र लाइभ नभई दिनै नकाट्ने धरानका पूर्वमेयर एवं श्रम संस्कृति पार्टीका अध्यक्ष हर्क साम्पाङ आफैँले सिर्जना गरेको 'डिजिटल' पासोमा परेका छन्। उदयपुरको कटारीबाट बेलकातर्फ आफैँ मोटरसाइकल चलाएर जाँदै गर्दा उनी दुर्घटनामा पर्नुको कारण कुनै सडकको खाल्डो वा प्राविधिक गल्ती नभएर, उनको 'भिडिओ मोह' रहेको खुलेको छ।

पार्टीकै एक नेताका अनुसार साम्पाङले गुडिरहेको मोटरसाइकलमा एक हातले ह्यान्डल समातेका थिए भने अर्को हातले मोबाइल तेर्स्याएर भिडिओ खिचिरहेका थिए। भिडिओ खिच्ने धुनमा सन्तुलन बिग्रिएपछि उनी बीच बाटोमै बजारिएका हुन्।