नेपाल दूरसञ्चार प्राधिकरणको अध्यक्ष र सदस्यको छनोट प्रक्रिया अघि बढ्यो, ९ उम्मेदवार अन्तर्वार्ताका लागि छनोट

काठमाडौं । नेपाल दूरसञ्चार प्राधिकरणको अध्यक्ष तथा सदस्य नियुक्ति प्रक्रिया अघि बढेको छ । आवेदन संकलन र प्रारम्भिक सूची सार्वजनिक गरेको करिब डेढ महिनापछि सञ्चार तथा सूचना प्रविधि मन्त्रालयले छनोटमा परेका उम्मेदवारहरूको व्यावसायिक कार्ययोजना प्रस्तुतीकरण तथा अन्तर्वार्ताको मिति तय गरेको हो ।

मन्त्रालयले जारी गरेको सूचनाअनुसार अध्यक्ष पदका लागि आवेदन दिएका ३२ जनामध्ये प्रारम्भिक मूल्याङ्कनपछि ९ जना उम्मेदवारलाई मात्रै अन्तिम प्रतिस्पर्धाका लागि सङ्क्षिप्त सूचीमा समावेश गरिएको छ ।