Economy

सेयर बजार १९ सय अंकमुनि ओर्लियो

merolifestyle.com · Thu Nov 10 09:56:53 GMT 2022

साताको अन्तिम कारोबार दिन सेयर बजारको परिसूचक नेप्से १९ सयभन्दा तल झरेको छ । २३.५२ अंक घटेर नेप्से १८९३ अंकमा कायम भएको छ । कारोबार रकम पनि अघिल्लो दिनको तुलनामा खस्किएको छ । बुधबार १ अर्ब ४० करोडको कारोबार भएकोमा आज १ अर्ब ११ करोडमा सीमित रह्यो ।

कुल १३ कम्पनीको मूल्य बढ्दा १७१ को घट्यो भने एउटाको स्थिर रह्यो । सबै उपसमूह घटेका छन् । बैंकिङ ९, विकास बैंक ४८, फाइनान्स ३८, होटल तथा पर्यटन २८, जलविद्युत् ४१, जीवन बीमा ६९, उत्पादन ६३, माइक्रोफाइनान्स ५०, निर्जीवन बीमा ८८, अन्य ३३ र ब्यापार उपसमूह २१ अंक घटे ।

मन्दाकिनी हाइड्रोको मूल्य सबैभन्दा धेरै करिब ४ प्रतिशत बढ्यो भने अपरहेवाखोलाको सबैभन्द धेरै ७ प्रतिशत घट्यो । किसान लघुवित्त, पन्चकन्या माई, गुहेश्वरी मर्चेन्ट तथा इमर्जिङ नेपाल पनि मूल्य धेरै घट्ने कम्पनीमा रहे । कारोबार रकमका आधारमा शिवम् सिमेन्ट, नेपाल पुनर्बीमा कम्पनी, युनाइटेड मोदी, हिमालयन डिस्टिलरी र रिडी पावर क्रमश अगाडि रहे ।

यो पनि…

गत साता घटेको सेयर बजार यो साता के होला ?

डिम्याट खाता र मेरो सेयरको वार्षिक शुल्क नबुझाए खाता रोक्का