काठमाडौँमा शिक्षक महासंघ जिल्ला समिति गठन, अध्यक्षमा गणेशप्रसाद गुरागाईँ

काठमाडौँ- नेपाल शिक्षक महासंघको काठमाडौँ जिल्ला समिति पहिलोपटक गठन गरिएको छ। शुक्रबार आयोजित जिल्ला अधिवेशनले गणेशप्रसाद गुरागाईँको अध्यक्षतामा २७ सदस्यीय जिल्ला कार्यसमिति सर्वसम्मत रूपमा चयन गरेको हो।

नेपाल शिक्षक महासंघका राष्ट्रिय अध्यक्ष लक्ष्मीकिशोर सुवेदीको प्रमुख आतिथ्यमा सम्पन्न कार्यक्रममा गुरागाईँ अध्यक्षमा चयन भएका हुन्। उनी यसअघि नेपाल राष्ट्रिय शिक्षक संगठन, काठमाडौँ महानगर समितिका अध्यक्ष थिए।