जेन-जी आन्दोलनका मुद्दाको पेशी स्थगित गर्न महान्यायाधिवक्ता कार्यालयको निर्देशन

काठमाडौं। महान्यायाधिवक्ताको कार्यालयले जेन-जी आन्दोलनताकाका घटनासँग सम्बन्धित फौजदारी अभियोगका मुद्दाको पेशी स्थगित गर्न सरकारी वकिल कार्यालयलाई निर्देशन दिएको छ ।

देशभरका उच्च र जिल्ला सरकारी वकिल कार्यालयलाई शुक्रवार पत्र पठाएर त्यस्ता मुद्दाहरूको पेशी स्थगित गर्न भनेको हो । गृह मन्त्रालयको यही असार १८ गतेको निर्णय अनुसार २०८२ भदौ २३-२४ का घटनाहरूमा लागेका फौजदारी अभियोगका मुद्दाहरू फिर्ता गर्न सकिने वा नसकिने सम्बन्धमा छानबिन गरी सिफारिससहितको प्रतिवेदन पेस गर्न कार्यदल बनेर प्रक्रियामा रहेको पत्रमा उल्लेख छ ।