प्रशासनिक झन्झट हटाउन ट्रम्पले थाले पहल, १५ खर्ब डलर बचत हुने अपेक्षा

एजेन्सी । अमेरिकाको ट्रम्प प्रशासनले संघीय सरकारभरि रहेका अनावश्यक प्रशासनिक झन्झट (रेड टेप) हटाउने प्रयासलाई तीव्र पारेको छ । त्यसअन्तर्गत ७०२ वटा विद्यमान प्रशासनिक नियमहरू खारेज गर्ने नियामक योजना सार्वजनिक गरिएको छ ।

शुक्रबार प्रकाशित यी कटौतीहरूले ह्वाइट हाउसको अर्धवार्षिक एजेन्डा योजनामा विचारधीन नियमन खारेजीका कार्यहरूको संख्यामा नयाँ कीर्तिमान कायम गरेका छन् । यो संख्या डोनल्ड ट्रम्पको पहिलो राष्ट्रपतीय कार्यकालको कुनै पनि समयमा प्रक्रियामा रहेका नियमहरूभन्दा करिब दोब्बर बढी हो ।