डाबर नेपालको मह गुणस्तरहीन, बजारमा बिक्री नगरी फिर्ता गर्न आदेश

काठमाडौं । डाबर नेपाल प्रा. लि. ले उत्पादन गरेको मह गुणस्तरहीन भेटिएकाले बजारमा बिक्री खाद्य प्रविधि तथा गुण नियन्त्रण विभागले आदेश दिएको छ । बजारमा बिक्री भइरहेको डाबर ब्राण्डको मह तत्काल बजारबाट फिर्ता गर्नसमेत खाद्य प्रविधि तथा गुण नियन्त्रण विभागले आदेश दिएको छ ।

खाद्य प्रविधि तथा गुण नियन्त्रण विभागले जारी गरेको सूचनाअनुसार बजार अनुगमन तथा नमुना परीक्षणका क्रममा डाबर ब्राण्डको ५ सय ग्राम प्याकेटको मह गुणस्तर मापदण्डअनुसार नभएको भेटिएको हो । विभागले ब्याच नम्बर ‘NB00477’ रहेको उक्त मह प्रयोगशाला परीक्षणमा प्रतिकूल देखिएपछि बजारबाट तत्काल फिर्ता गर्न निर्देशन दिएको विभागले जनाएको छ ।