रसुवाको बाढीबाट ३३६ जनाको हवाई उद्धार, ४५ विदेशी नागरिक सुरक्षित

काठमाडौं– रसुवामा आएको भीषण बाढीका कारण प्रभावित ३३६ जनाको हवाई उद्धार गरिएको छ । उद्धार गरिएकामध्ये छ देशका ४५ जना विदेशी नागरिक रहेको नेपाली सेनाले जनाएको छ ।

सैनिक प्रवक्ता राजाराम बस्नेतका अनुसार नेपाली सेनाका करिब चार हजार फौजको समन्वयमा प्रभावित क्षेत्रमा खोजी तथा उद्धार, आपत्कालीन उपचार र राहत वितरणको काम भइरहेको छ ।