‘अक्षरा’ दक्षिण कोरियामा पनि प्रदर्शन हुने

काठमाडौँ । फिल्म ‘अक्षरा’ दक्षिण कोरियामा पनि प्रदर्शन हुने भएको छ । क्षित बाबु प्रोडक्सन हाउसको प्रस्तुतिमा निर्माण भएको फिल्म दक्षिण कोरियामा ‘केटीएम २ सोल’ नामक कम्पनीले किनेको हो । फिल्म स्वदेशमा भदौ २६ गतेबाट सार्वजनिक प्रदर्शनमा आउँदैछ । दक्षिण कोरियामा प्रदर्शन मिति भने सार्वजनिक गरिएको छैन ।

सोनी थापा (ढुङ्गाना)को प्रस्तुतिमा निर्माण भएको यो फिल्मलाई विनय राज पौडेलले निर्देशन गरेका हुन् । फिल्ममा सुशील सिटौला, न्यान्सी खड्का, सुशील पोखरेल, पुष्कर राउत, रिस्ता अधिकारी, अंशु महर्जन, गीता अधिकारी, वीरेन्द्र कुशवाह, सृजना अधिकारी, मोहन अधिकारी र सृष्टि खड्काको मुख्य भूमिका छ। बालकालकारका रूपमा रोनक खड्का र प्रीसा ढुङ्गाना रहेका छन् । अभिनेत्री न्यान्सीले यसअघि ब्लकबस्टर फिल्म ‘१२ गाउँ’मा काम गरिसकेकी छन् ।