पत्रकार महासंघलाई सञ्चारमन्त्रीको आग्रह– सडक होइन, संवादमा आउनुस्

काठमाडौं- सूचना तथा सञ्चारमन्त्री डा.विक्रम तिमिल्सिनाले सञ्चार क्षेत्रका समस्या आन्दोलनभन्दा संवाद र सहकार्यबाट समाधान गर्न सरकार प्रतिबद्ध रहेको बताएका छन्।

नेपाल पत्रकार महासंघले ललितपुरमा आयोजना गरेको ‘बदलिँदो परिस्थितिमा प्रेस स्वतन्त्रता : सञ्चार कानुन र जिम्मेवार पत्रकारिता’ विषयक राष्ट्रिय सम्मेलनलाई सम्बोधन गर्दै उनले प्रेस स्वतन्त्रताको संरक्षण, सञ्चार कानुन सुधार र पत्रकारितासँग सम्बन्धित विषयमा सरकार संवादका लागि सधैं खुला रहेको बताए।