६७औँ अन्तर्राष्ट्रिय गणित ओलम्पियाडका लागि ६ जना विद्यार्थी चीन प्रस्थान

काठमाडौँ । ६७औँ अन्तर्राष्ट्रिय गणित ओलम्पियाडका लागि ६ नेपाली विद्यार्थी चीन प्रस्थान गरेका छन् । यस वर्ष चीनको शांघाईमा आयोजना हुने ६७औँ अन्तर्राष्ट्रिय गणित ओलम्पियाड २०२६ मा नेपालको प्रतिनिधित्व गर्न छनौट भएका ६ जना विद्यार्थी हिजो शनिबार चीन गएका हुन् ।

म्याथमेटिकल एसोसिएसन अफ नेपालले देशभर सञ्चालन गरेको जिल्ला, प्रदेश र राष्ट्रिय तहको बहुचरणीय छनोट तथा विशेष प्रशिक्षणपछि ६ विद्यार्थीहरूलाई छनोट गरेको हो । यस वर्ष छनोट हुने प्रतिस्पर्धीहरूमा मिसन जोशी, युगान्तर कालाखेती, प्रसिद्ध थापा, आयम आचार्य, अरिज पोखरेल र निसान खत्री रहेका छन् ।