आगामी मौद्रिक नीतिप्रति निजी क्षेत्रको उच्च अपेक्षा

काठमाडौँ । नेपाल उद्योग वाणिज्य महासंघका अध्यक्ष अञ्जान श्रेष्ठले मुलुकको अर्थतन्त्र सुधारका लागि आगामी मौद्रिक नीतिप्रति निजी क्षेत्रको उच्च अपेक्षा रहेको बताएका छन्। आइतबार प्रतिनिधि सभाको अर्थ समितिमा मौद्रिक नीतिका बारेमा भएको छलफलमा बोल्दै उनले बजेटले सम्बोधन गर्न नसकेका निजी क्षेत्रका बाँकी मागहरूलाई मौद्रिक नीतिमार्फत सम्बोधन गरिनुपर्नेमा जोड दिए।

अध्यक्ष श्रेष्ठले अर्थतन्त्रलाई पुनर्जीवित गर्न मौद्रिक नीतिमार्फत नीतिगत सुधार नगरिएमा अर्थतन्त्रले गति लिन नसक्ने चेतावनी दिए। विगतका मौद्रिक नीतिहरूले व्यवसायीलाई राहत दिएको स्मरण गराउँदै उनले यसपटक पनि उत्पादन, लगानी र रोजगारी प्रवर्द्धन गर्ने खालको लचिलो नीति आउनुपर्ने बताए।