प्रतिपक्षको बहिष्कारपछि लुम्बिनी प्रदेशसभा बैठक आधा घण्टाका लागि स्थगित

बुटवल । प्रमुख प्रतिपक्ष तथा अन्य प्रतिपक्षी दलहरूले बैठक बहिष्कार गरेपछि लुम्बिनी प्रदेशसभाको आइतबार बसेको बैठक आधा घण्टाका लागि स्थगित भएको छ।

आइतबार दिउँसो बसेको प्रदेशसभा बैठकमा प्रमुख प्रतिपक्षी दलका तर्फबाट धारणा राख्दै नेपाल कम्युनिस्ट पार्टीका प्रमुख सचेतक इन्द्रजित थारुले प्रदेश सरकारले आर्थिक वर्ष २०८३/८४ का लागि प्रस्तुत गरेको बजेटप्रति असन्तुष्टि व्यक्त गरे।