संघीय सरकारका कारण राष्ट्रिय खेलकुद प्रतियोगिता अलमलमा : मुख्यमन्त्री कँडेल

सुर्खेत । कर्णाली प्रदेशका मुख्यमन्त्री यामलाल कँडेलले १० औँ राष्ट्रिय खेलकुद प्रतियोगिता आयोजनाका लागि कर्णाली प्रदेश सरकार तत्पर रहे पनि संघीय सरकारका कारण ढिलाइ भइरहेको बताएका छन्।

शुक्रबार वीरेन्द्रनगरमा ‘अन्डर–१९ राष्ट्रिय महिला क्रिकेट प्रतियोगिता’को उद्घाटन गर्दै मुख्यमन्त्री कँडेलले १० औँ राष्ट्रिय खेलकुद प्रतियोगिताका लागि आफू पूर्ण तयारीमा रहेको बताएका हुन्। उनले भने, “केन्द्र सरकारका कारण समयमै १० औँ खेलकुद प्रतियोगिता आयोजना हुन सकेको छैन।”