ब्राजिल भर्सेस नर्वे : अन्तिम १६ मा भिनिसियस र हालान्डको भिडन्त

काठमाडाैँ । विश्व फुटबलका दुई सर्वाधिक रोमाञ्चक आक्रमणकारी खेलाडी भिनिसियस जुनियर र एर्लिङ ब्राउट हालान्ड आइतबार न्यु जर्सीमा आमनेसामने हुँदैछन् । विश्वकपको अन्तिम १६ अन्तर्गत हुने यो खेल प्रतियोगिताकै सबैभन्दा आकर्षक भिडन्तमध्ये एक मानिएको छ।

विश्व फुटबलमा पाँच पटकको च्याम्पियन ब्राजिलले अनेकौँ टोलीविरुद्ध प्रभावशाली इतिहास बनाएको भए पनि नर्वेजियन ‘भाइकिङ’विरुद्ध भने उसले अहिलेसम्म विश्वकपमा एक पटक पनि जित दर्ता गर्न सकेको छैन । चार भेटमध्ये कुनै पनि खेल जित्न नसकेको ब्राजिल अब पाँचौँ प्रयासमा त्यो खराब इतिहास अन्त्य गर्ने लक्ष्यमा हुनेछ ।