झापामा घरायसी विवादमा श्रीमतीको हत्या

झापा । झापाको हल्दिबारी गाउँपालिका–५ मा आफ्नै श्रीमतीको हत्या गरेको आरोपमा प्रहरीले श्रीमानलाई पक्राउ गरेको छ । गत जेठ ५ गते राति घरायसी वादविवादका क्रममा ४४ वर्षीय गोकर्ण भण्डारीले ३३ वर्षीया श्रीमती उर्मिला भण्डारीको हत्या गरेका हुन् ।

विवाद बढ्दै जाँदा गोकर्णले उर्मिलाको टाउकोमा बाम्फोक प्रहार गरेको प्रहरीले जनाएको छ। टाउकोमा गम्भीर चोट लागेकी उर्मिलाको घटनास्थलमै मृत्यु भएको थियो । घटनाको जानकारी पाएलगत्तै खटिएको प्रहरी टोलीले हत्यामा संलग्न गोकर्णलाई तत्कालै नियन्त्रणमा लिएको हो ।