विश्वकपभरि जम्मा १४ मिनेट खेलेका नेयमार नर्वेविरुद्ध सुरुवाती ११ मा पर्न सक्ने

न्यु जर्सी । आज राति पौने २ बजे मेटलाइफ स्टेडियममा ब्राजिलले नर्वेको सामना गर्दै गर्दा विश्वभरका फुटबल समर्थकको एकै जिज्ञासा हुनेछ,- के नेयमारले सुरुवाती ११ मा पुनरागमन गर्लान् ? ब्राजिलका सर्वकालीन सर्वाधिक गोलकर्ता रहेका नेयमार जारी विश्वकपमा जम्मा जम्मा १४ मिनेट मात्र मैदानमा उत्रिएका छन् ।

उनी स्कटल्याण्ड विरुद्ध ७६ औं मिनेटमा मैदान प्रवेश गरेका थिए । बाँकी खेलमा उनले बेन्चबाटै आफ्नो टिमलाई साथ दिए । आज राति हुने नर्वे विरुद्धको खेलमा भने ३४ वर्षीय नेयमारलाई ठूलो भूमिका दिनसक्ने संकेत प्रशिक्षक कार्लो एन्सेलोट्टीले गरेका छन् ।