विद्युत् नियमन आयोगको अध्यक्षमा १० जनाको दरखास्त, सदस्यमा २२ जना

काठमाडौँ । ऊर्जा क्षेत्रको नियामक निकाय विद्युत् नियमन आयोगको रिक्त अध्यक्ष र सदस्य पदका लागि आवेदन दिने उम्मेदवारहरूको विवरण सार्वजनिक भएको छ । आयोगको अध्यक्ष र सदस्य नियुक्ति सिफारिस समितिले सार्वजनिक गरेको सूची अनुसार नयाँ नेतृत्वका लागि कुल ३२ वटा आवेदन परेको छ ।

प्राप्त विवरण अनुसार आयोगको अध्यक्ष पदका लागि १० जना र सदस्य पदका लागि २२ जना आकाङ्क्षीले दरखास्त पेस गरेका छन् । नारायणप्रसाद सापकोटा र डा.शान्तिकला सुवेदीले भने अध्यक्ष र सदस्य दुवै पदमा दाबी प्रस्तुत गर्दै आवेदन दिएको कागजातमा देखिन्छ ।