विश्वकप लक्षित ‘प्रिमियम स्टेकेशन’ प्याकेज सार्वजनिक, कोठामै बसेर खेल हेर्न सकिने

इटहरी– फुटबलको विश्वकप प्रतियोगितालाई लक्षित गर्दै इटहरीस्थित रामादा बाई विन्धाम इटहरीले विशेष ‘स्टेकेशन’ प्याकेज सार्वजनिक गरेको छ। होटलले सार्वजनिक स्थलको भीडभाडबाट टाढा रहेर आरामदायी वातावरणमा विश्वकपको रोमाञ्च अनुभव गर्न चाहने फुटबलप्रेमीहरूका लागि ‘Big Match on TV, Premium Service on Call’ नामक प्याकेज ल्याएको जनाएको छ।

होटलका अनुसार यस प्याकेजअन्तर्गत पाहुनाहरूले आफ्नै कोठामा बसेर फिफा विश्वकपका सम्पूर्ण खेलहरूको प्रत्यक्ष प्रसारण हेर्न सक्नेछन्। प्रत्येक कोठामा टेलिभिजनको व्यवस्था भएकाले बार वा सार्वजनिक प्रदर्शनस्थलको भीडभाड बिना सहज रूपमा खेलको आनन्द लिन सकिने जनाइएको छ। एक्लै खेल हेर्न चाहनेदेखि साथीभाइसँग बसेर विश्वकपको उत्साह साट्न चाहनेहरूका लागि यो प्याकेज उपयुक्त हुने होटलको विश्वास छ।