महालक्ष्मी विकास बैंकद्वारा पाँच विद्यार्थीलाई ‘महालक्ष्मी जेहेनदार विद्यार्थी छात्रवृत्ति’ प्रदान

महालक्ष्मी विकास बैंकले संस्थागत सामाजिक उत्तरदायित्व (सीएसआर) कार्यक्रमअन्तर्गत पाँच जना जेहेनदार तथा आर्थिक अवस्था कमजोर विद्यार्थीलाई ‘महालक्ष्मी जेहेनदार विद्यार्थी छात्रवृत्ति’ वितरण गरेको छ ।

बैंकका अनुसार विभिन्न समयमा बैंकसँग एकीकृत भएका संस्थाका संस्थापक अध्यक्ष स्वर्गीय लक्ष्मणबाबु श्रेष्ठ, हरि प्रसाद गिरी, अशोक श्रेष्ठ, नवराज बहादुर सिंह र सीताराम प्रसाईको स्मृतिमा स्थापना गरिएको छात्रवृत्तिअन्तर्गत सामुदायिक विद्यालयमा अध्ययनरत पाँच विद्यार्थीलाई प्रतिव्यक्ति ५० हजार रुपैयाँका दरले सहयोग प्रदान गरिएको हो ।