असार सकिनै लाग्दा पनि किसानले पाएनन् मल

मानो रोपेर मुरी फलाउन धान रोप्ने असार महिना सकिनै लाग्दा बागमती प्रदेशका अधिकांश किसानको खेतमा रोपाइँको चहल पहलभन्दा चिन्ता बढी देखिन्छ। आकाशतर्फ हेर्दै पानीको प्रतीक्षा गरिरहेका किसानका लागि रासायनिक मलको अभावले थप पीडा थपेको छ।

समयमै वर्षा नहुँदा खेतमा पर्याप्त हिलो बन्न सकेको छैन। यति मात्रै होइन, सरकारी अनुदानको मल सहज रूपमा नपाउँदा किसानहरू दोहोरो मारमा परिरहेका छन्।