‘निजी लगानी तान्ने गरी आगामी बजेट आउँछ’

काठमाडौँ । अर्थसचिव घनश्याम उपाध्यायले आगामी आर्थिक वर्षका लागि निजी लगानी आकर्षित गर्ने खालको बजेट ल्याइने बताएका छन्।

प्रतिनिधि सभाअन्तर्गतको अर्थ समिति बैठकमा बोल्दै उनले सरकारको खर्चले मात्र उत्पादनशीलता वृद्धि सम्भव नहुने भन्दै निजी क्षेत्रको लगानी आकर्षित गर्ने उत्प्रेरक भूमिकामा केन्द्रित भएर बजेट ल्याइने स्पष्ट पारेका हुन्।