सीमा विवादले कर्णाली राजमार्ग ठप्प, सरकारसँग तत्काल वार्ता गर्न सांसदहरूको माग

काठमाडौं : प्रतिनिधिसभाका सांसदहरूले हुम्ला र बाजुरा जिल्लाबीच उत्पन्न सीमा विवादलाई तत्काल वार्ता र संवादको माध्यमबाट समाधान गर्न सरकारको ध्यानाकर्षण गराएका छन्।

आज बसेको प्रतिनिधिसभा बैठकको आकस्मिक समयमा बोल्दै सांसदहरूले सीमा विवादका कारण कर्णाली राजमार्ग अवरुद्ध भएको र स्थानीय जनप्रतिनिधि तथा कर्मचारीमाथि आक्रमण भएको भन्दै सरकारको गम्भीर ध्यानाकर्षण गराएका हुन्।